2022年11月27日 星期日

慢快門影滑冰

報了個滑冰比賽影,好可惜高級賽唔得閒,只可以影初級組.


影運動相最基本要求係要清楚,唔好鬆矇,交代到是甚麽運動.例如冇理由影足球唔見咗個波,淨係得成班人跑來跑去.動作精唔精彩都係其次,所以為咗要交相,我都影咗一堆高速快門既相打底.


再進階就係慢快門,利用動態模糊去制造動感.但郁緊既主體用慢快門影好易乜都矇晒,要影好多先揀到啲用得既.在近餐廳一面可以用評判席做背景.背景太乾淨就睇唔到效果喇.


之後可以入裏面,在評判席旁邊影,有人話呢度背景花,但係我影搖鏡就係要呢啲.這個就係剛才企既餐廳做背景.


點解去到依家先試影滑冰用慢快門,唔同有規律既運動,滑冰係耐唔耐先會滑一下,轉圈,擺姿勢嗰啲如果用緊慢快門係得個睇字.今次用咗觀眾席做背景.


以前啲機慢,一秒五張的年代雖然都影到,但成功率好低,依家係易咗好多,連拍多又識得眼部對焦,有人話太多相揀相好麻煩,不過始終有得揀好過冇得揀.


10 則留言:

  1. 回覆
    1. 縮細咗睇唔清呱?其實張張都一樣清晰 :P

      刪除
  2. 我都好喜歡用慢速擺鏡拍攝活動的東西,會有動感及立體感的效果,但正如你所說,失敗機會好大,不過數碼年代,不必花錢買菲林,都冇咁傷。

    回覆刪除
    回覆
    1. 如果玩菲林就玩唔過喇,就算唔計錢,入菲林都入到手軟 :P

      刪除
  3. 呢邊其實都有滑冰比賽噶,但我未試過影,用手機有一定難度... :P

    回覆刪除
    回覆
    1. 手機焦距短,反應慢,可以試吓高速涷結動作,會容易啲.

      刪除
  4. 打乙組,唔啱你喎,把機會留畀人好D

    回覆刪除