報了個滑冰比賽影,好可惜高級賽唔得閒,只可以影初級組.
影運動相最基本要求係要清楚,唔好鬆矇,交代到是甚麽運動.例如冇理由影足球唔見咗個波,淨係得成班人跑來跑去.動作精唔精彩都係其次,所以為咗要交相,我都影咗一堆高速快門既相打底.
再進階就係慢快門,利用動態模糊去制造動感.但郁緊既主體用慢快門影好易乜都矇晒,要影好多先揀到啲用得既.在近餐廳一面可以用評判席做背景.背景太乾淨就睇唔到效果喇.
之後可以入裏面,在評判席旁邊影,有人話呢度背景花,但係我影搖鏡就係要呢啲.這個就係剛才企既餐廳做背景.
點解去到依家先試影滑冰用慢快門,唔同有規律既運動,滑冰係耐唔耐先會滑一下,轉圈,擺姿勢嗰啲如果用緊慢快門係得個睇字.今次用咗觀眾席做背景.
以前啲機慢,一秒五張的年代雖然都影到,但成功率好低,依家係易咗好多,連拍多又識得眼部對焦,有人話太多相揀相好麻煩,不過始終有得揀好過冇得揀.
拍得精彩啊!
回覆刪除謝謝你的鼓勵 :)
刪除最後一張對焦最清晰。
回覆刪除縮細咗睇唔清呱?其實張張都一樣清晰 :P
刪除我都好喜歡用慢速擺鏡拍攝活動的東西,會有動感及立體感的效果,但正如你所說,失敗機會好大,不過數碼年代,不必花錢買菲林,都冇咁傷。
回覆刪除如果玩菲林就玩唔過喇,就算唔計錢,入菲林都入到手軟 :P
刪除呢邊其實都有滑冰比賽噶,但我未試過影,用手機有一定難度... :P
回覆刪除手機焦距短,反應慢,可以試吓高速涷結動作,會容易啲.
刪除打乙組,唔啱你喎,把機會留畀人好D
回覆刪除謝謝誇獎 :)
刪除