澳門煙花節

想去影好多年,一直都猶豫因為好遠水路.今次朋友話好想去,有伴之餘可以輪更守住位置,行開行埋去洗手間,買嘢食都方便啲.食完早餐就去發,希望啲人食完晏先去霸位......太天真喇,十二點前到西望洋山觀景台已放滿腳架,咁啱碰到熟人,佢地話朝早八點幾都已經冇位.

退而求其次去斜坡觀景台竟然冇人,放低腳架就開始漫長既等待,直到四點幾先有其他人來,之後冇耐已經又腳架滿座.終於捱到九點,煙花發射位置被旅遊塔擋正,冇計只好照影,先來一張煙花較紅的.

成也旅遊塔,敗也旅遊塔,原本佢咁高制造咗一個空間襯托煙花,可惜卻在不合適的位置,再來張青色類既.

為咗彌補空虛的空間,裁張直度玩吓,果然幾飽滿,之後翻屋企係好大問題,十點先完,落山15分鐘,再轉兩程巴士先去得到口岸,坐埋金巴分分鐘趕唔到尾班車而要搭的士.好彩在教堂哪邊的朋友有約車而有位多,直接到關口在尾班車開出前五分鐘趕到.