足毽比賽

呢排成日落雨,好在仲有啲室內活動.

倒掛係經常會用既招數,唔係太難影到.

防守通常只靠身體攔網.

飛身踢都係一種方式.

泰國隊成績唔太標青,但係好肯用大招,打晒跟斗先起倒掛,又有瞓身踢,超級鐘意.所以一聽到泰國隊有比賽就即刻去定影佢地個場個位.

旁邊的細場只用來初賽,決賽係要去中間個大場,反而有點不利我,距離遠咗要用200mm,光圈得翻F2.8,用到ISO 3200快門仲要降到1/320秒先夠光.失敗率比較高畫質也較差.

全日壓軸係女子決賽,中國對越南,越南愛用倒掛,但攻擊比較單調,幾乎都落在一個人身上.

中國隊冇乜用倒掛,通常都係就咁申腳就踢,唔好睇但勝在實際,慳力又可以睇定形勢先決定方向,速度其實唔太差,大招係華麗速度快,但動作太大,攻擊完之後要較多時間復位,攻擊途中亦好難改方向.兩隊勢均力敵,一分一分咬住上,越南隊失誤多咗小小,最後中國隊險勝.