只能在觀眾席影,不準到池邊,興趣不大,但落雨又冇乜地方好去就是但.
唔知好彩定唔好彩,容許影相既觀眾席前排座位比較低,可以唔駛淨係影背脊,但佢喺泳手既左面,捷泳的話多數人都係右手面換氣的,冇錯可以等回程嗰陣影,不過多數都散晒,只影到一個人,尤其依家個個都幾啖氣就游晒一個塘,幸過地我遇到一個左面換氣的,咁啱又畀我影到.
想影起跳但個個都想影,好位已經被放晒腳架,唯有蛙泳原來在對面起跳先有得影,平時見人起跳都係會跳高小小再跌入池中,咁應該跳得比較遠,不過今日既運動員全部都係直插池面,冇咗高空停頓嗰吓,谷到1/1000秒都有小小矇.
蛙泳好易影, 因為唔準潛泳的,每一吓前進都要伸個頭出水畀我影.
背泳仲易,成程塊面都係向上,不過我想就到兩個人隻手一樣角度,咁就要靠啲運氣.其實我一心入來係想影背泳向後起步嗰下,無奈啲位一早冇晒,點解冇蝶泳?因為嗰日比賽係冇囉.
多年前我影過跳水，都是很好的拍攝體驗。
回覆刪除跳水只影過幾張,仲試緊機跟住就話唔俾影 @@
刪除都影得好精彩。
回覆刪除謝謝你的鼓勵 :)
刪除All the photos are really great. You can see the passion and energy in them! I really like swimming, I think I was born in a pool :D
回覆刪除Thanks very much, have a very nice day.
刪除你真好彩，真係好少人左面呼吸的。
回覆刪除係呀,仲要啱啱對正我嗰陣換氣 :)
刪除I always get very professional looking photos! I would love to do an underwater session someday. :D
回覆刪除Underwater photography is my dream.
刪除好正呀！謝謝分享
回覆刪除謝謝你的鼓勵 :)
刪除影得好精彩, 有人反傳統用左面換氣, 咁都比你遇上 , 真幸運 !
回覆刪除謝謝你的鼓勵,機會難得一遇 :p
刪除