新一代旗艦級相機不斷在追求最高速連拍張數,甚至可以去到每秒120張,仲勁過拍片,加埋預拍,幾乎萬無一失.要影到雀鳥起飛,射出既箭,球拍剛擊球一刻已經冇乜難度.但副作用就係有好多相.
我一直認為有得揀好過冇得揀,所以我永遠都係開最高速連拍,有時差小小恨不得兩張中間最多一張就好.但原來好多人唔係咁諗.唔小人都係用最低速連拍的,認為只要係連拍就可以,唔想事後咁多相要揀.寧願影唔中都唔要揀相,連拍的意義在哪裡?
最近啲新機都加入咗對焦包圍功能,對於景深堆疊真係福音,由每張都要自己扭對焦環變成按一下就搞掂,甚至單手操作都可以,唔駛咁多動作冇咁易郁咗都唔知.但原來又係冇乜人用的,一影就10張太多相,索性影細粒啲再裁大就算數.
哈哈！揀相都是怕費神吧！
回覆刪除哈哈,有得揀好過冇得揀呱 :P
刪除世界在改變，陌生人、相機、所有的事情 :))
回覆刪除歡迎到訪,祝你有美好的一天 :)
刪除每秒120張，實有一張滿意﹗
回覆刪除不過唔維持得幾耐,唔可以長用.
刪除其實揀相都幾費神。
回覆刪除哈哈,咁要睇有幾想影到心目中既相 :P
刪除原來相機有咁多功能 , 在你網誌學到好多新知識 , 謝謝 !
回覆刪除別客氣,相機咁多掣有好多都好小用.
刪除其實，從120張揀一幀，頗費神，一秒之內應該沒有差異吧？是否一種銷售噱頭？
回覆刪除要視乎動作有多快,我部機最快一秒10張,影雀仔起飛就算成功最多只可以影到一張,啱啱出咗界或者翼遮咗頭就冇相.就算一秒影到120張係唔會用晒一秒的,只係最關鍵即時候可以多幾張揀,揀相亦只會用縮圖睇動作靚既先放大睇係咪清楚.
刪除每秒120張我一定唔會用，我部老爺單反每秒7.5張我都好少用得到。事實上現在用手機影相，每個景會手動影兩三張作為保險，回到家要揀一張最好的，我都覺得好費神。我剛去完5日旅行，影了千多張，而家諗起要揀相就頭痛。
回覆刪除咁影靜態場景就唔需要連拍既,反而單張可以睇吓有冇問題先再影.
刪除