呢度未來過,有人影蝶,不過出名係影蟲,尤其係細既蟲,好多時都必需要依賴閃光燈,所以帶重架生,100-400就唔帶喇,改帶180微距,1.4x及2x增距,腳架同兩支閃燈,等於夜攝的設備,但唔駛電筒同埋鏡頭前LED燈.
要令微小既昆蟲背景唔好黑媽媽有三種方法,一來就試最難既,就係慢快門,或者高iso吸收背景光,呢種蜘蛛超細隻,加咗2x要收到F11先夠sharp,而且要向上影,香雞腳架唔係好夠力,鎖死咗都有啲郁,快門要去到1/30秒先勉強頂得住,仲要冇風,搞咗成個鐘先影到.
原本用慢快門主體要唔郁先得,但都可以搏吓,光圈開到比較大既F5.6,用1/80秒快門摶到一張,可見到腳仔移動的殘影.
第二種方法就係找個主體背景不遠就有物體的,咁閃燈就可以同時照亮埋,最容易但也較被動,由於是散景,只要綠底包到主體就可以,其他位置有穿崩補補佢就得.
一唔係裁走佢都得,呢隻角蟬勁細隻,影到眼花.
最後一個方法就係用另一支閃燈照光背景,呢張如果冇用,黃色葉後面就會係全黑.
蟻既背景更加遠,但其實更加好,太近既話一來好難控制啲光唔唔照光埋主體,二來一個雜亂背景照光咗一樣都係會好雜亂.
沒有留言:
張貼留言