發現內地有個位置可以影到高鐡配合城市景,而且唔遠,蓮塘口岸搭幾個地鐡站,再行一陣間就到,地點係布吉農批市場,走到最尾嗰座,上樓梯到平台就係.今次構想係開燈以後,最初擔心要用wide鏡光圈唔夠大.因為天黑高鐡又郁緊會搞唔掂,如果焦距要短過50mm就大鑊,好在最後可以用85mm.
襯冇車既時候就要影咗個底景先,車要另外影,因為要開大光圈同高ISO影,之後再夾上去.運氣有啲差,天未黑齊時居然冇乜車,最後搞到F1.6,1/80秒,ISO 6400架車先夠光,好彩暴力除雜訊之後都用得,原本驚車頭燈太光搞到乜都睇唔到,最後發覺咁反而幾得意.
最後就係影埋夜景啦,原本想整到有三架車,不過難度太高,車疊車夾位要好精準處理.
