又係時候去探吓蟲仔,今次裝備了新買既閃燈去熟習吓.
近幾年都係,蟲仔越來越小,我一路行到去亭度都係乜都冇,喺亭度搜尋吓,居然見到好多四腳蛇,可惜全部都係爬緊牆,又冇突出來,只可高抄影背脊,影完都剷咗算,好彩行前啲終於見到有竹節蟲,前幾年交尾都成山係,依家單隻都好似中交合彩咁.新閃燈冇乜時滯,只要啱位,好快就影完.
之後梗係影埋半身,新燈除咗反應快之外,最緊要係唔駛搭咁大個壇,機頂同平時咁就咁插支燈就得,腳架都小咁舊,穏陣好多,以前真係好驚拗爛個熱靴.
同竹節蟲玩飽之後就去水池位,上次就係呢度整爛咗個引閃,上天今次居然又安排過隻田雞俾我影,蹲低影咗幾張佢都冇走,為咗獲取最散既散景,決定叭地影,兩張就搞掂.主燈子燈都可以在機頂調輸出很方便.
搵咗一大輪都冇嘢影,終於先見到隻飛蛾,今次冇咁好彩可以打側影到佢既梳形觸角,只好正面硬幹,縮到F13都係得小小景深,想再影細啲,一陣強風吹過,冇得影.
睇睇個九巴app,依家落山慢慢行該差不多,再行翻去亭度竟然見到四,五隻好耐都未見過既大蜘蛛,當中只有一隻肯爬落低位,嗱嗱聲影佢一張大頭1:1,然後9秒9跑落山,架生都唔收直奔巴士站,否則趕唔切又要等多半粒鐘.
四腳蛇，真係很怕怕！
回覆刪除其實佢地啲紋理好靚架 :P
刪除閃燈會唔會有時嚇跑了蟲蟲和青蛙蜘蛛??
回覆刪除有時都會,更多時係照明用既LED燈嚇走佢地,例如四腳蛇,一照就走.
刪除我怕蟲蟲
回覆刪除:P
刪除島兄設備齊全，技術了得，可惜香港啲蟲蟲真係越來越少，要搵目標都唔容易。
回覆刪除城市化的代價,只好習慣一下.
刪除這些才是最自然的模特兒!
回覆刪除確實係 :)
刪除請問是用微距鏡拍的嗎?
回覆刪除小弟也正在學習攝影,請不吝指教。
謝謝。
歡迎到訪,是用微距鏡拍的,不要客氣,互相研究吧.
刪除最中意青蛙嗰張！👍💗 哈哈... 叭低照田雞雞！值呀！💝🙏
回覆刪除哈哈,形容得好呀,蹲低影我都試過,叭低個背景靚啲 :P
刪除梳形觸角......好熟面口
回覆刪除係喎之前影過果隻芒果核 ^_^
其實好常見,放大咗先覺有趣 :P
刪除