見到朋友影蜘蛛仔幾得意,因為佢平時好小影咁細微嘢好奇問吓佢邊度影,原來我屋企附近梅樹坑公園都有,不過蜘蛛仔應該好細粒,網上見人影都係用Canon支五倍鏡影,我得支一倍,裁都唔裁得咁多喎.
橫掂住咁近,姑且一試吧,有水有欄桿的地方就有,果然有,真係超細粒,比想像中仲細.開盡1:1試吓先,嘩,裁到接近100%都仲係好細粒.現場非常暗,咁既放大率用自然光除非目標肯合作俾你用腳架,否則只好靠晒閃燈.幸好欄杆上只要斜斜地構圖閃燈就可以照埋背景唔駛黑媽媽.實際上佢係非常唔合作,知我影佢特登俾個背面我,繞過佢佢又擰轉身,搞到我身水身汗先影到佢一張正面.
出埋1.4x都唔大得幾多,侷住出2x,蜘蛛仔走咗喇,搵到另一個體型差不多的,我唔想出2x既原因係鏡頭焦距變到360mm係會非常震,分分鐘影10張都冇一張中.但有欄杆頂住鏡頭前面又定好多喎.居然可以影三張疊都仲得.長鏡在遠處用機頂閃燈會產生一個明顯陰影在底部.所以微距閃燈會一左一右補咗個影的,閃燈近閃光質亦會冇咁硬.我冇打算買咁多嘢都只好接受個效果啦.事後問翻朋友原來佢係買咗個加在鏡頭前既放大鏡增加放大率.同埋買咗個四百幾蚊既大形柔光罩,差不多成間房咁罩住隻蜘蛛仔咁影的,又長知識了.
唔知原來蜘蛛個樣係咁，同我平常見啲好似唔多似。
回覆刪除蜘蛛有好多品種,平時大隻既係唔同樣.
刪除「買咗個加在鏡頭前既放大鏡增加放大率.同埋買咗個四百幾蚊既大形柔光罩,差不多成間房咁罩住隻蜘蛛仔咁影的,」我也長知識了，多謝分享！
回覆刪除謝謝到訪 :)
刪除圖一: 蜘蛛體形細細粒, 雙目又圓又黑, 都幾可愛!
回覆刪除紅色的蜘蛛其毒無比, 你要小心勿觸摸毒蜘蛛呀!
謝謝關心,我梗係唔會咁大膽觸摸蜘蛛啦.
刪除攝影器材品種繁多，而且日新月異，唉！都唔買得咁多。
回覆刪除買啱用嗰啲囉 ;-)
刪除作者已經移除這則留言。
回覆刪除謝謝分享蜘蛛真面目 👍🙏 蜘蛛 = 蠄蟧;
刪除香港斑絡新婦 https://youtu.be/H_8thb1bxqY
很溫柔的人面蜘蛛 https://youtu.be/dBee6jHh0io
十大最致命毒蜘蛛 https://youtu.be/WTyl3FwjJi4
謝謝鼓勵及資料分享 :)
刪除都好多學問喎,我就搞唔掂,你拍得靚,羨慕.
回覆刪除謝謝鼓勵,一細粒就好麻煩 :P
刪除In fact I wish to say something about 梅樹坑公園, I have never been there though!
回覆刪除🔸Mui Shue Hang Playground 梅樹坑遊樂場 大埔梅樹坑路
錦石新村，梅樹坑遊樂場，水圍 https://youtu.be/WwbffrMNt4E
大埔•梅樹坑遊樂場 https://youtu.be/J-RjWdnExuQ
梅樹坑公園 https://youtu.be/9odmtKj0TgI
梅樹坑公園 https://youtu.be/-hgi6Bnw_EQ
九龍坑山大埔人後花園 https://youtu.be/dnuYf139IQ8
🔸「快樂亭」位於大埔公路側梅樹坑公園旁近濾水廠
單車樂 粉嶺往大埔 https://youtu.be/4-UqYQS1h3A
@ 26:15 「快樂亭」 https://youtu.be/4-UqYQS1h3A?t=1575
依稀記得細路時, 從康樂園坐車去大埔墟, 左邊經過「快樂亭」- 梅樹坑近濾水廠!
謝謝你的資訊 :)
刪除