知道有呢個位好耐,一直猶豫只因水路太遠,夏天影完夜景落山最快得九點鐘船,出到中環,仲要轉港鐵,翻到屋企夜媽媽,網頁仲話冇乜位放腳架,要早去,終於的起心肝搵咗日平日去.搭四點半香港仔船,臨到開船一刻突然有五個後生仔趕到上船,每人一支腳架...........
好不安,我仲諗住陣間食埋嘢先上山,驚夜晚落山啲茶餐廳收晒工,究竟好唔好唔食嘢同班後生仔鬥快上山呢?點知....茶餐廳係冇開既,正諗住捱餓之際,有間南丫小食有開,仲有麵食添,呢個時候已經見到班後生仔經過小食店向山上出發.冇計,希望攝到位吧.上山途中竟然見到班年青人.原來佢地邊行邊玩慢慢走,二話不說爬咗佢地頭一支箭上山搵咗舊石開支腳架卡定位.個位好窄,頂盡放兩支腳架.但呢個應該唔係最好位,我見人地可以影到成個灣唔會斷開,估計係冇遠望到突出去嗰舊石.襯年青人未到去探吓路,硬係搵唔到路.可能要過咗發射站落一段再上翻來,平時一定搵落去,今日要睇住個位就放棄.估唔到日落有小小燒天,年青人雖然架生好齊,但似乎只係隨意影吓,我叫佢地放支腳架埋來都話唔駛.
好靚夜景，這樣美，藍得令我發呆，需要後期加工嗎？
回覆刪除謝謝鼓勵,風景相點都要有啲後期加工啦 :P
刪除山上景色真的的開揚，影得好靚。
回覆刪除謝謝你的鼓勵 :)
刪除好靚.影呢D相,睇落都要揀O岩時間黎.
回覆刪除謝謝鼓勵,影風景相光線啱係最最最重要.
刪除好靚，兩張色調不同，但各有風格。我一向都講，佩服島兄追求完美的毅力。
回覆刪除謝謝Peace兄的鼓勵 :)
刪除兩個色調我都喜歡。
回覆刪除謝謝你的鼓勵 :)
刪除Philip挨餓上山影黃昏靚景給我們欣賞, 犧牲小我, 完成大我, 感恩!
回覆刪除哈,最後都搵到南丫小食,唔駛捱餓 :P
刪除影到個天色調咁靚，捱吓肚餓都值啦，哈 👍
回覆刪除哈,我經都會就時間捱吓肚餓的 :P
刪除好靚呀！謝謝分享.
回覆刪除謝謝你的鼓勵 :)
刪除更佩服你,為了影日落可以去甘遠!
回覆刪除謝謝你的鼓勵,影到冇地方影只好去遠啲 :P
刪除