朋友通知近觀塘碼頭工厦可影到靚景,絶對好消息,之前見人影過都幾靚,最重要係唔駛上山嘛.從十樓窗門望出去有啲唔係好妥,我見人地可以影到條公路盡頭,但係就算伸部相機出去向橫影都係被大厦牆壁阻住.於是,我走咗上天台.嘩,個景真係無敵,開定腳架等日落.點知.....要鎖門呀,走啦.管理員先生之後仲押我坐電梯落翻地下.
唔服氣再來,不過唔敢上天台喇,十樓就十樓啦.其實都難搞,唔伸部相機出去會影到個窗框,支腳架雖有中軸橫置,但用咗之後自然冇得升中軸,而且中軸長度有限制,腳架全高的話相機只可伸到剛剛腳架邊.好彩牆上面有一級,可以縮短前面兩支腳,變相可以推出啲,夠伸部相機出窗外.影個日落先.
跟住影埋夜景,最後究竟人地係點影到既呢?或者鎖天台只係冇幾耐之前先有?最後都係一個謎.
都好靚啵！
回覆刪除麻麻地啦 :P
刪除都影得好靚，上天台危險嘛，一定唔俾啦。
回覆刪除天台有晒圍牆好安全哦.不過有啲冇公德心既人可能會整爛嘢,所以唔俾都係可以理解.
刪除島兄的確好有毅力！觀塘海濱道一帶的工廠大廈都可以影到不錯的日落景，問題是哪一座角度最好？哪一座容易放腳架？哪一座可以上天台而又唔鎖？那就不得而知了。
回覆刪除謝謝Peace兄鼓勵,角度好一定係最貼海嗰堆唔會俾人擋住,最難就係可以上到天台 :P
刪除Philip, 隨緣吧! 你都影得好靚。
回覆刪除冇錯,不能強求.
刪除影得好靚
回覆刪除謝謝你的鼓勵 :)
刪除第二張好掂呀！😍
回覆刪除謝謝你的鼓勵 :)
刪除作者已經移除這則留言。
回覆刪除作者已經移除這則留言。
刪除島大師觀塘碼頭工厦影到靚景 👍 加油 💪
回覆刪除我冇去過觀塘碼頭, 搵短片睇吓囉 😎
觀塘碼頭 https://youtu.be/hpH0vSm44mM
觀塘碼頭/觀塘海濱花園 https://youtu.be/phioGlXLdJI
觀塘碼頭廣場停車場遠望郵輪碼頭及香港島全景 https://youtu.be/uaX7zVAOAcM
觀塘碼頭對出有好多雀仔 https://youtu.be/QRaayuBxvMc
謝謝你的鼓勵及資料 :)
刪除個迷你試一下問S哥羅。睇下佢幇唔到你😜。
回覆刪除由得佢啦,去咗就算 :P
刪除