同事買咗新機,講起有時去旅行,會入吓室內,一陣又出翻室外,可能冇耐又入翻室內,光差極大,相機要成日轉設定搞到手忙腳亂.其實係有一個方法的,就係用相機既全自動喇.咁又唔係幾好喎,啲相質量會好飄忽.有人提出可以用自動ISO.但係ISO由室外去到室內可以好癲.反之去到室外可能用最低都爆光.咁光圈先決再自動咗快門同ISO啦.會好過全自動,起碼控制到光圈.......
又有次去影舞台,有時想用慢快門挑戰難度,但有必要有一定數量既相用快快門防止食白果,轉來轉去煩之餘會錯失畫面.有人分享咗個方法就係用兩部機,一部係快快門,一部係慢快門,睇落都可以,但......會有人有兩支同焦距鏡頭嗎?原來佢方法係長鏡影快,wide鏡影慢.........
講到呢度,我想介紹一個功能,多數相機唔計嗰啲甚麽人像,風景模式,除咗PASM之外,仲會有123呢啲模式.其實係幾個記憶位置.舉例由室外去到室內,改完設定之後儲存做1,出室外扭翻去之前你用既Mode,例如M mode,咁設定就去翻原本設定,入室內扭去1就可以,舞台攝影都一樣,一個快一個慢儲存起想轉既話扭一扭就得,唔駛兩部機,亦可以用同一支鏡.
我以為個個都係咁用,原來係冇乜人用呢個功能的.
你好有研究👍
回覆刪除謝謝鼓勵 :)
刪除你講得啱，我都從未用過，我覺得影相的環境千變萬化，不可能用兩個MODE製概括起來(我部機只有兩個)，而且我記性唔好，今日調校好明日就記不起是甚麼設定，不如煩少少，每次都按當時情況調校好了。
回覆刪除咁大多數情況都係用一個Mode就得,個功能只係好趕時間先用啫 :P
刪除用呢個功能我是知道，哈哈，但從來沒有用過。
回覆刪除哈哈,可能你沒有這個需要吧 :P
刪除我愛影相, 可惜沒錢買靚相機, 年紀大、記憶力開始退化, 可以擁有一個日本製造的[Canon S120]自動相機仔我便心滿意足了, 可是近年影出來的照片顏色與實景有差異, 可能我移動過某個制, 卻不懂得調較回正常的功能!!!
回覆刪除顏色多數跟白平衡有關,但相機的自動白平衡也經常會出錯.可以用軟件再微調,唔想用電腦太煩的話也可以用手機,Snapseed是個不錯的apps,Youtube有很多教學短片.
刪除