又到聖誕,聖誕燈飾好似度度都差唔多.只有西九大聖誕樹有啲似大景,又唔係好遠.呀....我真係太天真,諗住影夜景,差唔多日落先來到.對正棵樹方圓百里都已經針都插唔入,後面梯級位都企滿晒人.只好去到好側擰歪部機影.哈,原來都唔係壞事,因為我最wide得24mm,企到正反而影唔晒棵樹,不過唔好處就係會影到欄桿,同埋有時會被申出來既電話遮住.
既來之,則安之,要影到好多顏色既聖誕樹要用快快門,因為啲圖案係會郁的,一係開大光圈,一係加高ISO,我揀咗開大光圈,代價係景會比較淺,前後景會冇咁實淨,解決方法就係影多張長快門,細光圈,由得棵樹變一隻色.事後夾埋佢地.萬事俱備,其實仲要睇啲燈光點變化,在最靚光的時候如果棵樹一路都係淨色,到天黑晒先變多色,咁事後搞既難度就會高好多,效果都冇咁理想.最後執走個欄桿位就大功告成.祝大家聖誕快樂.
聖誕快樂🎄
回覆刪除聖誕快樂 :)
刪除聖誕快樂 :)
回覆刪除呢棵樹真係好高大。
回覆刪除長快門，搞到好多鬼影噃，有啲仲得番對腳添....哈哈！
快快門要提高ISO及開大光圈,畫質就變差喇.
刪除平安夜愉快!聖誕快樂!
回覆刪除我都有去趁熱鬧呀！
個個都去襯熱鬧,勁多人,聖誕快樂 :)
刪除聖誕快樂 健康愉快
回覆刪除現在D手機有wide又有50，只講方便，相機真係唔夠手機玩，在人多的地方相機反而顯得笨重，經常被手機摭住，用相機影相越來越高難度啦😲
聖誕快樂,手機同相機要求唔同既,單純有個影像,手機方便性相機係冇得比,適合現今即食文化,但相機追求係畫質極緻,都有棒場客.
刪除哈哈~ 你說對重點呢！ 好多野都係要靠相機至做到，只是在日常中大多數人只貪方便，相機客相比之下變得小眾，各有各玩各自滿足就是。
刪除犀利，對面港島都好sharp呀。
回覆刪除謝謝鼓勵,用細小小光圈就可以.
刪除Philip, 2021年的聖誕節剛告過去, 新的一年快將來臨, 預祝你在2022年活得更精采。
回覆刪除我心繫香江, 卻冇膽冒險飛回來, 慶幸有你常提供香港各區呈現的喜慶, 感恩! 感恩!
我已把你的[西九大聖誕樹]複製了。
刪除Wei-wei,感謝你對香港的心情,忍一忍,疫情好快會過去.
刪除Philip, 承你貴言:「疫情好快會過去」。
刪除宜家Ｄ人都好中意紮營
回覆刪除公共空間裡面享有絕對私人空間.......^_^ ^_^
唔駛吓吓住酒店咁貴嘛.
刪除