聽講迪士尼下年會有翻煙花表演,原本上花瓶頂行過啲用長鏡都試過影到.不過想搵吓有冇啲近啲既位置.偶然發覺呢個地方可以影到迪欣湖.前段路線跟去昂船凹一樣,只係途中轉咗方向,上山路線難度一般,路線都好清楚,但係落山有幾個分义路,我估其中一個可能連接昂船凹.為免行錯路,都係挷條絲帶好啲.
天氣係多雲,估佢唔到,日落竟然有小小燒天,不過山頂位置遮晒,得個恨字.又係超大風,分分鐘又影到矇晒,好彩搵搵吓有個比較凹入既位置,而且前面冇咁多草.完成一張普通夜景.呢度都見到迪士尼的,不過側面有山唔靚,唔係好位.
食得唔好嘥,順便影埋另一個方向,冇乜特別,入夜後開始幾涷,嗱嗱聲落山買外賣先.
