太和農墟白梅相思

咁多年我都未去過影,因為覺得低角度影肚腩麻麻地,不過今年真係開得好靚,咁啱朝早又突然好天,就即興去咗.

星期六應該唔開門,老闆好人開門俾人入去影相.我帶咗300mm,諗住加1.4x,唔多掂,太細粒,終於都要用上2x,光圈得翻F5.6,開晒都有啲散,收到F7.1先OK.入面嗰棵好影啲因為冇晒葉,而且背景係大厦牆,冇藍天都唔會死白.

近門口嗰棵如果冇雲可以有藍天,但好多葉,令到原本已經亂既畫面更加亂.

到畫面稍為簡潔啲,後面又全部都係雲.

都係裏面棵花好影啲,見到Youtube教人用1/2000秒快門,當佢開盡F6.3光圈,ISO都起碼3200.我實在係太保守,成朝擔高頭搵雀,條頸開始好攰,呢個時候亦越來越多人,係時候走人.