一直都想去呢個位拍攝維園,例如燭光晚會,不過一路都唔知點去,咁啱見朋友出維園年宵既相,問問佢就知道拍攝位置是停車場樓上,大安旨意,雖然係日落位,但啲樓咁高應該都冇乜好影,影埋日落個維園肯定細到唔認得.決定差唔多日落先上去,呀……原來唔同一般停車場,只得幾個小窗望到維園,頂樓已經冇晒位,每個小窗都塞咗兩支腳架,只好落一層,好彩仲有兩個窗未有人,我一埋去已經見到另一個人來緊,遲多兩分鐘都冇晒位,好險.
個窗好細,用三腳架既關係,相機係會後過隻窗小小,一定要zoom出小小先唔會搞到窗框入鏡,原本都冇問題,我都諗住影大啲維園,但嗰日超幸運地有火燒天,咁又wide啲好喎,我見旁邊啲人開始收貼兩隻腳等相機可以貼窗,如果只係曝光時間長小小,單張過其實都可以,但我要夾相,不單要等半個鐘以上,途中仲要搞光圈,快門,白平衡係非常高危,十之八九會郁到.再一次好運,中軸橫放之後居然啱啱高過隻窗小小,可以用一個非常穏定既狀態伸部相機向前.正猶豫究竟影晒個天放棄維園定係要埋維園但影小啲個天好呢?卒之,支腳架幫我揀咗,原來中軸橫向後係頂住唔可以向上較角度的,終於用到28mm就啱啱影晒維園同咁既天.
之後梗係要順便影埋夜景,亦係我最初既構思,zoom到35mm維園可以大翻啲.
最後就係大特寫個維園啦.真係多人到爆,好彩我只係影唔係行.
個窗好細,用三腳架既關係,相機係會後過隻窗小小,一定要zoom出小小先唔會搞到窗框入鏡,原本都冇問題,我都諗住影大啲維園,但嗰日超幸運地有火燒天,咁又wide啲好喎,我見旁邊啲人開始收貼兩隻腳等相機可以貼窗,如果只係曝光時間長小小,單張過其實都可以,但我要夾相,不單要等半個鐘以上,途中仲要搞光圈,快門,白平衡係非常高危,十之八九會郁到.再一次好運,中軸橫放之後居然啱啱高過隻窗小小,可以用一個非常穏定既狀態伸部相機向前.正猶豫究竟影晒個天放棄維園定係要埋維園但影小啲個天好呢?卒之,支腳架幫我揀咗,原來中軸橫向後係頂住唔可以向上較角度的,終於用到28mm就啱啱影晒維園同咁既天.
之後梗係要順便影埋夜景,亦係我最初既構思,zoom到35mm維園可以大翻啲.
最後就係大特寫個維園啦.真係多人到爆,好彩我只係影唔係行.
第二張拍得好清楚。
回覆刪除G+已經留唔到言，你又有諗住轉blogger繼續寫呢？
影得好靚
回覆刪除喜歡第一張的火燒天氣勢。不過我想問：嗰度唔係私人地方嚟嘅咩？點解可以入到去？
回覆刪除原來係停車場入面影, 一直都諗唔到係邊度 :P
回覆刪除EE Chan,謝謝你的鼓勵,我冇玩G+,所以都冇理.
回覆刪除Bonnie,謝謝你的鼓勵 :)
回覆刪除Peace Emb,謝謝你的鼓勵,公眾停車場都要俾人攞車,唔係私人地方.
回覆刪除秋之風景寫真站,我都係問朋友先知 :P
回覆刪除很好的收穫！
回覆刪除意外收獲 :)
回覆刪除想問下Philip搞完一大輪之後有冇成身汗運動量勁過做gym.....XXD
回覆刪除咁又冇,有車直到,完全唔駛行路,好輕鬆啫 :p
刪除新春大吉, 工作順利!
回覆刪除謝謝,身體健康,心想事成.
刪除真係多人到爆，在網上看歐洲的聖誕市集，無多人到咁誇張！
回覆刪除香港真係好多人架,分分鐘係人口密度最高既城市 @@
刪除正喎
回覆刪除重以為私人住宅唔比入原來....... ^_^
都係問朋友先知 :P
刪除影得好靚.今年都係去維園年宵.但只是去探朋友的檔口.
回覆刪除謝謝鼓勵,維園年宵好迫呀,影相可以,去就唔好搞我,要探朋友就冇所謂.
刪除怕人多今年無去行！
回覆刪除行真係超多人,唔好搞我 :P
刪除