服務多年的攝影會終於連最後一個項目渣打馬拉松都唔搞,冇乜所謂,其實我影賽跑都麻麻,冇乜特別,又暗又要早起身,唔影就罷.不過朋友又話好想影要我陪佢,勉為其難就去啦,不過唔好咁遠,好難搭車嗰啲地方,於是就決定影旺角同埋柯士甸就算,上年去柯士甸度度封晒路的士都去唔到,搞到最後行餐死.去旺角最好,有東鉄直到唔駛轉車.今年地鉄改善咗好多,15分鐘一班車,有位坐,記得有年旺角去銅鑼灣用咗個半鐘,旺角站人龍已經頂到過對面月台,半個鐘一班車,去到金鐘又係咁,搞到遲晒大到.
要影運動員正面最好係彌敦道轉出亞皆老街彎位,你識咁諗電視台同傳媒都識,一早已經霸晒啲位,仲欄住唔俾你地搏矇走埋去阻住晒,後排遠距離攻擊盞搞,只好走前啲搵吓有冇路邊位側側地影啦.結果就搵到奧海城出面落腳.唔駛交相冇乜壓力,費事影到背景黑麻麻,用盡F1.8, ISO 3200,1/160秒盡可能吸多啲現場光.結果就係咁,好可惜,堆黑人我係對唔中焦嘥咗.
之後就係行翻轉頭到街市附近既天橋影吓好多人既畫面,記得嗰年影呢度落晒雨,暗到死,想收啲光圈都唔得,點知今年都係落雨,雖然冇咁大,都係咁暗.
諗住轉場啦,朋友又話黃格幾得意,想影慢快門,咁就等多轉啦,點知最後一組要8點先開跑,等足45分鐘.
跟住就係奧運站搭一個站去九龍站再行去柯士甸,點知搵極都搵唔到,侷住去翻西隧入口天橋影吓好多人.由於運動員要繞一大個圈先入西隧,雖然等咗45分鐘,但馬拉挑戰組先過咗冇耐.如果唔等嗰45分鐘分分鐘趕得切影黑人,日光日白把握就大好多,雖然角度唔係好靚.
一場來到,影後都影吓啦,過埋西隧好快就到維園終點.
好似冇乜好影,決定去下面迫吓睇吓有冇騎呢打扮既人執多兩張,唔算好騎呢,冇選擇都殺.
好極,仲有豬仔,佢都知大家想影佢,慢慢跑俾你地影個夠.影埋佢差唔多喇,雖然同以往影既相差唔多,不過今次既版權係自己,啲相點用都得.
要影運動員正面最好係彌敦道轉出亞皆老街彎位,你識咁諗電視台同傳媒都識,一早已經霸晒啲位,仲欄住唔俾你地搏矇走埋去阻住晒,後排遠距離攻擊盞搞,只好走前啲搵吓有冇路邊位側側地影啦.結果就搵到奧海城出面落腳.唔駛交相冇乜壓力,費事影到背景黑麻麻,用盡F1.8, ISO 3200,1/160秒盡可能吸多啲現場光.結果就係咁,好可惜,堆黑人我係對唔中焦嘥咗.
之後就係行翻轉頭到街市附近既天橋影吓好多人既畫面,記得嗰年影呢度落晒雨,暗到死,想收啲光圈都唔得,點知今年都係落雨,雖然冇咁大,都係咁暗.
諗住轉場啦,朋友又話黃格幾得意,想影慢快門,咁就等多轉啦,點知最後一組要8點先開跑,等足45分鐘.
跟住就係奧運站搭一個站去九龍站再行去柯士甸,點知搵極都搵唔到,侷住去翻西隧入口天橋影吓好多人.由於運動員要繞一大個圈先入西隧,雖然等咗45分鐘,但馬拉挑戰組先過咗冇耐.如果唔等嗰45分鐘分分鐘趕得切影黑人,日光日白把握就大好多,雖然角度唔係好靚.
一場來到,影後都影吓啦,過埋西隧好快就到維園終點.
好似冇乜好影,決定去下面迫吓睇吓有冇騎呢打扮既人執多兩張,唔算好騎呢,冇選擇都殺.
好極,仲有豬仔,佢都知大家想影佢,慢慢跑俾你地影個夠.影埋佢差唔多喇,雖然同以往影既相差唔多,不過今次既版權係自己,啲相點用都得.
島兄為咗影相到處跑，仲辛苦過跑馬拉松....:p
回覆刪除唔會,跑辛苦好多架 :P
刪除年年唔咁多人，你地影相都要天未光就出發。
回覆刪除都唔一定咁早既,但挑戰組黑人好早就跑完,同埋影夜跑會有啲唔同畫面.
刪除真係辛苦晒，我們才有靚相睇。
回覆刪除邊係吖,我去襯吓熱鬧啫 :P
刪除咁有冇去維園影衝線?
回覆刪除冇喇,一來晏,二來維園好迫的,外圍影背景會好亂,除非企司今台影正面就靚.
刪除影馬拉松都幾辛苦,晨早流流起身去影相.
回覆刪除都幾架,不過唔駛交相可以唔駛影咁多 :P
刪除真係好心機,晨早去影人山人海相! 黃格+慢快門係有些特別!
回覆刪除當陪吓朋友,我反而比較喜歡人山人海嗰啲.
刪除跑手扮相咁鬼馬走得快嗎？
回覆刪除都OK喎,尤其有幾條鯊魚,如果唔扮肯定好勁,呢隻豬就麻麻地快.
刪除你好好心機，最後無乜野影，都搵到個有「殺」字係身上的人，仲有Peppa Pig 及隔離有個靚女跑手!
回覆刪除磨爛蓆的意外收獲 :P
刪除銅鑼灣灣仔精采Ｄ
回覆刪除各地方有唔同精采 ;-)
刪除