又去夜攝

疫情下乜鬼活動都冇晒,影吓生態都係唔多選擇既選擇.都懶得上松仔園,就近去吓鳳園就算.

諗住都係影吓蜻蜓,蜘蛛呢啲常客,點知好彩遇到螳螂,螳螂最難搞係對眼,凸出頗多,一影得大小小眼就會矇咗,正合練習用景深堆疊,影半身都係差小小,小咗中間嗰張,佢幾細隻,又有時會郁吓.細細張睇先OK.

再影全身,就比較容易.又到個身差咗小小,不過以我標準都算合格.

走前小小見到大蚊交尾,不過係垂直方式吊住,原本係好理想方便做散景,但郁來郁去實在冇可能影得到.原來係旺地,仲有另外一對,平放幾好影,不過缺點就係會有閃燈做成的陰影.

有班點紋既蟲,唔知點解要卷成咁.

都係蟲,好多毛好難搞.又係有大蚊既問題,有陰影,搞搞吓接近十點,出到去啱啱好有去大埔墟既車,但我去大埔中心方便啲,點知司機同我講尾班車走咗架喇,去大埔墟站啦.明明個站寫尾班車十一點喎,可能疫情關係提早咗.