見到有人出相,終於的起心肝去一次,為咗避免太多人,請假平日去,四點幾去到已經有四支腳架喺度,嗰個位其實最多都係放五六支腳架,侷住越過禁止進入區域小小.越來越多人,卒之有人直情入晒禁區,有啲就影其他位.眼見都有三十幾人.
聽講上年張屋個位已經冇乜螢火蟲,變咗呢個樹頭係新拍攝點.啲人話要樹頭加星軌,但今晚成天雲,白茫茫一片.搞到個天爆晒光.我其實想退後一點,但恐怕一退後就會冇咗個位.主角影蟲就地下多啲啦.過程其實冇乜技術可言,較啱曝光就開連拍影到尾翻屋企慢慢夾.螢火蟲唔多,夾幾張就得既運氣就冇喇.整晚影咗七百幾張,大約一半係有嘢,再剷走啲太小既,最後可用係135張.一次過夾部電腦頂唔順,最後分咗三次先掂.激死,多數蟲係去咗畫面中間,底部好空虛,早知影高啲.走既時候經其他地方都一路有人影,嗰晚沙螺洞應該有超過五十人.
我多年前某一個晚上到大埔松仔園看螢火蟲，祇有極極極極少螢火蟲。七百幾張造到一張，真的辛苦了！謝謝你分享。
回覆刪除松仔園嗰啲螢火蟲團係搵笨,成晚都係見到三兩隻.嗰陣好多人的,一晚有三,四架旅遊巴,成山都係人.
刪除我初搬入西貢，試過螢火蟲飛入我哋露台，後來就絕跡。早幾年去馬來西亞，其中一行程就係睇螢火蟲，真係多到不得了，但原來用傻瓜機係影唔到。
回覆刪除香港螢火蟲既數量係小得可憐,螢火蟲既光其實好暗,傻瓜機係影唔到喇.
刪除兒童合唱團 營火蟲(Firefly) - https://www.youtube.com/watch?v=xl9UNZGn1IY
回覆刪除謝謝分享 :)
刪除你張相好靚呀！我記起十多年前去沙巴旅遊，其中一晚節目係在沼澤地帶乘坐小艇看螢火蟲，真的很多，但小艇搖擺不定，不可能長時間曝光，只好用高ISO，影出來只看到一些白點，認真搞笑，不過放上網博友都話收貨，相當比面，哈哈！
回覆刪除謝謝鼓勵,我成世人都未見過好多螢火蟲一齊發光,希望快啲開關有機會去一次.可以影一張過就搞掂 :P
刪除估唔到仲有螢火蟲睇！
回覆刪除都有啲既,數量唔多.
刪除你拍得真好。螢火蟲愉快地飛行。
回覆刪除謝謝你的鼓勵 :)
刪除其實影相真係幾辛苦,影咗幾百張,滿意的得幾張相,尤其呢類黑夜影細細的蟲蟲相,技術還要加上運氣.
回覆刪除咁玩又唔同工作既,如果係要交貨就會覺得好慘 :P
刪除So many photos are really hard work. I admire and congratulations. This photo is amazing. I haven't seen fireflies this year. I guess it's still too cold. Even if there are fireflies, there are very few of them.
回覆刪除Greetings from Poland!
Thanks very much for good comment, have a very nice day.
刪除今年咁少虫虫, 有人叫我去我都唔去了。估唔到閒日都咁多人去, 香港真係無乜野影了。
回覆刪除估唔到平日都多人成咁,仲諗住可以包場 :P
刪除Beautiful photo :)
回覆刪除Nice to meet you, thanks very much.
刪除七百幾張！最後135張可用 , 真係大工程，效果幾靚喎！
回覆刪除謝謝鼓勵,影螢火蟲同埋影星軌一樣都係大工程.
刪除螢火蟲應該好難影到，光度太暗！(^♡^)
回覆刪除架生要有翻咁上下,不過已經比星光.
刪除這就是螢火蟲？不是晚上發光嗎？
回覆刪除是呀,只要曝光時間夠長,夜晚都可以影到好光,而且當晚多雲,所以個天白晒.
刪除謝謝分享.好靚
回覆刪除謝謝你的鼓勵 :)
刪除